Diwedd Cwrs Llanerchaeron
Written by Tir Coed / Dydd Mawrth 18 Rhagfyr 2018
Mae’r 12 wythnos wedi mynd heibio mor gyflym, mae’n teimlo fel ddoe pan oeddem ni’n gosod y camp ac yn dechrau dod i nabod y goedwig a’r fflora a’r ffawna. Mae’r hyfforddai wedi dysgu sut i hogi a defnyddio offer traddodiadol i gerfio eitemau defnyddiol.
Mae’r hyfforddai wedi ennill tipyn o hyder wrth adnabod gwahanol rywogaethau o goed ac wedi clirio ardaloedd trwchus o lystyfiant tanddyfiant. Maent yn gymwys gyda thechnegau cwympo i deneuo coed gwannach sy’n galluogi mwy o olau i ddod drwy’r canopi.
Mae’r grŵp hefyd wedi cael cyflwyniad i gwympo, ymarfer rheoli coetiroedd sy’n digwydd mewn cylchdro i gynhyrchu carthion coesau syth lluosog, sy’n ddefnyddiol ar gyfer nifer o gynnyrch.
Dywedodd y prif diwtor, Wil Nickson, wrtha i “Mae wedi bod yn wych gweithio mewn coedwig mor brydferth a digyfnewid.” “Bydda i’n gweld eisiau dod i’r goedwig, mae wedi dod yn ail gartref i mi.”
Nes i byth feddwl y bydden i’n torri brysglwyni a thorri coed yn 60 mlwydd oed, felly fi’n falch iawn o’n hunan. Mae’r tiwtoriaid wedi bod yn wybodus iawn ac yn amyneddgar, mae’r grŵp wedi bod yn hwyliog iawn gyda thipyn o hiwmor a chymrodyr.
Gyda mins peis a chacen i ddathlu fe dderbyniodd y 7 oedd wedi cwblhau eu tystysgrifau.
Hoffwn ddiolch yn fawr iawn i Geidwad Coedwig Llanerchaeron, Aron Roberts ac i’r Ymddiriedolaeth Genedlaethol am ein galluogi i gydweithio er lles yr hyfforddai a’r goedwig.
