Tymor Newydd - Swyddogion Addysg Newydd

Written by Tir Coed / Dydd Iau 27 Medi 2018

Ar ddechrau tymor ysgol newydd, mae prosiect Dysgu am Goed yn hapus i gyflwyno ein Swyddogion Addysg newydd fydd yn cynnal sesiynau gydag ysgolion cynradd ar draws Ceredigion.

Al Prichard:


Dyma Al, ein Swyddog Addysg Gogledd Ceredigion. Efallai bod rhai ohonoch yn gyfarwydd ag Al gan ei fod wedi gweithio gyda Tir Coed yn y gorffennol fel tiwtor cefnogol. Mae Al yn angerddol dros wyddoniaeth a mathemateg ac mi fydd yn defnyddio’i wybodaeth a’i brofiadau wrth gyflwyno’r sesiynau Dysgu am Goed.

Jemima Roberts:


Dyma Jemima, ein Swyddog Addysg De Ceredigion. Mae Jemima’n greadigol iawn ac ag angerdd i gyflwyno sesiynau ysbrydoledig ac atyniadol i blant am amgylcheddoliaeth a chadwraeth. Mae hi wedi cynnal nifer o weithgareddau gydag ysgolion yn y gorffennol yn yr ysgol, ac allan ‘ar leoliad’.

Cyn y gwyliau, fe wnaeth Dysgu am Goed ymgysylltu â 8 ysgol oedd yn gyfanswm o 212 o blant a 25 o oedolion.

Gyda’r ddau Swyddog Addysg yn frwdfrydig i ddechrau ar y gwaith o gynnal sesiynau ar draws Ceredigion, mae nifer o ysgolion yn achub ar y cyfle i archebu sesiynau tra bod yr haul yn dal i ddisgleirio.

Os hoffech hi achub ar y cyfle, cofiwch gysylltu â’n Swyddog Datblygu ar [email protected]

Ffurflen Ymholiad

Bydd y ffurflen ar-lein hon yn eich galluogi i fynegi diddordeb gyda Tir Coed fel y gallwn eich cysylltu ag un o'n cyrsiau hyfforddi awyr agored neu weithgareddau lles. Byddwn yn defnyddio'r wybodaeth a ddarperir i gysylltu â chi i drafod y cyrsiau hyfforddi a/neu'r gweithgareddau lles sydd ar gael i chi a chwblhau'r broses gofrestru.

Diogelu Data a Chaniatâd

Bydd yr wybodaeth a gesglir ar y ffurflen hon yn cael ei chadw'n ddiogel ar system storio ar-lein Tir Coed yn unol â Chanllawiau Diogelu Data a'n Polisi Preifatrwydd.

Sylwch ein bod weithiau'n profi galw mawr am ein cyrsiau hyfforddi, felly yn anffodus, ni allwn sicrhau lle ar unwaith i chi ar gwrs hyfforddi.

Mae Tir Coed yn elusen gofrestredig (#1115229) a Chwmni Cyfyngedig (#03918116).
Tir Coed, Uned 6G Parc Gwyddoniaeth, Llanbadarn Fawr, Aberystwyth, SY23 3AH.

Beth yw:

TANYSGRIFIO I'R CYLCHLYTHYR

Y newyddion diweddaraf o Tir Coed