Hwyl fawr i Lowri
Written by Tir Coed / Dydd Mawrth 12 Tachwedd 2019
3 mlynedd, 5 rôl, 2 swyddfa, 1 nod!
Mae’n ddiwedd cyfnod i fi yn Tir Coed ond yn gyfnod fydd yn aros gyda fi am byth! Dechreuais i weithio gyda Tir Coed syth allan o’r Brifysgol yn rhan o Interniaeth Twf Swyddi Cymru ac ers hynny mae’r sefydliad wedi cynnig amrywiaeth eang o gyfleoedd i fi i ddatblygu’n broffesiynol.
Mae Tir Coed wedi tyfu tipyn dros y 3 mlynedd a hanner diwethaf, a dw i’n falch iawn o’r ffaith mod i wedi bod yn rhan o’r twf.
Hoffwn i ddymuno pob lwc i Tir Coed i’r dyfodol a dw i’n edrych ymlaen at weld beth ddaw i’r elusen sydd wedi’i wreiddio’n ddwfn yng nghefn gwlad Cymru.
