Astudiaethau Achos

“Mae Tir Coed wedi helpu fi i oresgyn rhai problemau personol, dw i wedi dioddef o broblemau iechyd meddwl a chyflyrau corfforol dros amser hir. Ers i mi ddechrau mynychu'r sesiynau mae fy iechyd meddwl wedi gwella'n fawr ynghyd â'm cyflwr corfforol a dw i wedi derbyn addysg ardderchog hefyd. Dw i'n dysgu mwy am fywyd gwyllt a rheoli coetiroedd bob dydd, dros y flwyddyn diwethaf dw i wedi bod yn ymwneud mwy a mwy gyda gwirfoddoli wrth i'm iechyd wella, dyma'r lles y mae Tir Coed yn gwneud i'm bywyd i ac eraill. ”

“Dw i ddim wedi buddsoddi rhyw lawer yn fy addysg na fy natblygiad personol dros y blynyddoedd diwethaf, ond ers gweithio/dysgu gyda VINETir Coed dw i wedi dysgu llawer iawn! Mae'r cynllun hefyd wedi fy nghynorthwyo i ennyn hyder yn fy sgiliau ac o ganlyniad dw i wedi datblygu fy musnes garddio a dw i newydd orffen fy swydd tirlunio cyntaf. Mae'n anodd dod o hyd i rhywle i ddysgu'r sgiliau mae Tir Coed yn eu dysgu, roedd y rhan fwyaf ohonynt yn ran o fywyd bob dydd rhyw 30 – 40 mlynedd yn ôl, ond erbyn hyn wedi mynd yn angof.”

“Dysgodd Tir Coed llawer i mi am yr hyn roeddwn eisiau ei wneud gyda fy mywyd. Bu hefyd yn ysbrydoliaeth i mi benderfynu fy mod yn medru cyflawni fy amcanion. Bu'r sgiliau a ddysgais ar y cwrs o gymorth i mi gael peth gwaith rhan amser yn adeiladu toiledau cwrtaith fframyn pren unigolyddol, bu'n hwb mawr i'm hyder ac yn ysbrydoliaeth i ddatblygu hobi yn fusnes dichonadwy.”

“Mae gwybod bod gen i sylfaen gadarn ar gyfer gyrfa mewn coedwigaeth yn tynnu peth o'r ofn allan o fod yn dad yn fy arddegau. Dw i'n gwybod beth dw i eisiau ei wneud nawr – gweithio yn y coed. Roedd cwrdd â phobl newydd a gwneud cysylltiadau yn rhan mawr o'r profiad, ac mae ennill tystysgrif llif gadwyn yn ddefnyddiol iawn. Mae'r brentisiaeth wedi rhoi fy meddwl ar waith ac wedi rhodi'r hyder a'r cyfrifoldeb i mi symud ymlaen.”