Sioe Wobrwyo Flynyddol PAVS
Written by Tir Coed / Dydd Mercher 06 Mehefin 2018
Ar ddydd Mercher y 6ed o Fehefin, aeth tîm Sir Benfro i Sioe Wobrwyo Flynyddol Cymdeithas Gwasanaethau Gwirfoddol Sir Benfro. Yn rhan gyntaf y dydd, gwahoddwyd elusennau o bob cwr o Sir Benfro i rannu gwybodaeth am eu prosiectau felly roedd yn gyfle gwych i Adam a Nancy rwydweithio gyda sefydliadau eraill fel Reconnect in Nature, Girl Guides a Workways.
Roedd hefyd yn gyfle i gwrdd a dathlu rhai pobl anhygoel sy’n rhoi o’u hamser i helpu eraill yn y gymuned. Yn ystod ail ran y diwrnod roedd y seremoni gyda 6 chategori gwahanol, roedd gan bob categori enillydd canmoliaeth, enillydd canmoliaeth uchel ac enillydd cyffredinol. Roedd yr enillwyr yn dechrau o 9 mlwydd oed ac yn cynrychioli sefydliadau gan gynnwys Oriel VC yn Hwlffordd a PATCH (Pembrokeshire Action to Combat Hardship).
Amlygwyd y digwyddiad gyda nifer o bethau gwych sy’n mynd ymlaen yn y wlad hyfryd hon diolch i garedigrwydd a gwaith caled gwirfoddolwyr gwych.
