Gadael Tir Coed
Written by Tir Coed / Dydd Mawrth 06 Mawrth 2018
Rwy’n drist i fod yn gadael Tir Coed ond rwyf hefyd yn falch iawn i fod wedi bod yn rhan o sefydlu’r prosiect LEAF yn Sir Benfro.
Cytundeb 9 mis oedd gen i gyda Tir Coed o’r dechrau fel Cydlynydd Sir Benfro felly yr oeddwn wedi bwriadu gadael teulu Tir Coed ar ddiwedd mis Chwefror 2018 ond mae dal i fod yn drist i adael.
Dechreuais i a Lowri ar y swydd yn ôl yn Mai 2017 a gyda sir gyfan i ehangu prosiect LEAF i mewn iddo, rhaid oedd cychwyn arni’n syth!
O fewn ychydig wythnosau roeddem wedi creu cysylltiadau gyda’r mwyafrif o asiantaethau cyfeirio a sefydliadau yn Sir Benfro ac wedi gosod dyddiad ar gyfer y cwrs hyfforddi cyntaf felly yr oedd dyddiad i weithio tuag ato. Gyda thiwtoriaid i’w trefnu a llefydd i lenwi’r cwrs cyntaf, roedd digon i’w wneud!
Mewn dim o dro, roedd y cwrs cyntaf wedi’i lenwi gyda chyfranogwyr ac roeddem yn barod i adeiladu ffrâm bren gan ddefnyddio sgiliau adeiladu ffrâm bren draddodiadol mewn coetir ger Bethlehem, Sir Benfro.
Wrth i’r cwrs fynd yn ei flaen, roedd hi’n ysbrydoledig gweld y cyfranogwyr yn ymgysylltu â’r sgiliau yr oeddent yn eu hennill gyda thiwtoriaid profiadol a llawn cymhelliant yn rhedeg y cwrs,
Mae wedi bod yn wobrwyol iawn i weld cymaint o bobl yn weithgar yn Sir Benfro drwy brosiect LEAF. Ychydig ar ôl y cwrs cyntaf, dechreuodd yr ail gwrs 12 wythnos mewn Rheoli Coetir ac roedd grŵp arall o bobl yn ymgysylltu ac yn mwynhau’r cwrs.
Mae wedi bod yn ysbrydoledig iawn i gyfarfod tiwtoriaid anhygoel a pherchnogion coetir yma yn Sir Benfro sydd wedi rhoi eu calonnau a’u meddwl i drosglwyddo eu sgiliau coetir i bobl fydd yn buddio. Mae hefyd wedi bod yn hynod o foddhaol i weld y cyfranogwyr yn ennill cymaint o’r cyrsiau, nid yn unig mewn sgiliau coetir ond yn ennill hyder ac yn buddio ar nifer o lefelau personol hefyd.
Fel garddwr a Thriniwr Coed rwy’n angerddol tuag at goed, ac rwyf yn awr yn trosglwyddo’r awenau i Adam Dawson sydd â gwybodaeth eang am goedd a choedwigoedd ac yn barod i ddatblygu gweithgareddau Tir Coed ymhellach yma yn Sir Benfro.
Byddaf yn canolbwyntio ar fy musnes trin coed eto yn awr ond y mae wedi bod yn brofiad gwych i fod yn rhan ohono gyda’r holl bobl ysbrydoledig sy’n creu teulu Tir Coed. Mae gen i hyder mawr y bydd Adam a Nancy yn sefydlu Tir Coed ym Mhenfro mewn ffyrdd y bydd o fudd i bobl sydd angen y gefnogaeth fwyaf ar hyn o bryd.
Diolch i bawb yn Tir Coed, mae wedi bod yn bleser mawr gweithio gyda phawb. Hefyd llongyfarchiadau a diolch i’r holl gyfranogwyr sydd wedi gweithio’n galed ar y cyrsiau ac wedi’u creu fel pobl; ysbrydoledig, ymgysylltiedig a gwobrwyol yn ogystal ag ail-gyflwyno’r goedwig i fywyd bob dydd i fod o fudd i bawb.
Jim Scott
