Tîm Rheoli yn ymweld â Sir Benfro
Written by Tir Coed / Dydd Mawrth 14 Awst 2018
Ar ddydd Mawrth gogoneddus o ddisglair a hafaidd ymunodd yr uwch reolwyr â thîm Sir Benfro i wneud taith o goedwigoedd hyfryd Sir Benfro ble rydym wedi bod yn gweithredu dros y 18 mis diwethaf ac i ymweld â rhai o’r lleoliadau posib newydd, gan gynyddu cangen Tir Coed ymhellach ar draws y sir.
Dechreuwyd y daith yng Ngholeg Coppice Wood gan gyfarfod â Claire Turner sydd wedi bod yn cyflwyno Cwrs Croeso Tir Coed yn ddiweddar. Rhoddwyd taith angerddol a llawn egni o Goleg Coppice Wood gan Claire gan gyflwyno i’r tîm yr amrywiaeth o weithgareddau a wnaed yno.
Aethom ymlaen wedyn i ymweld â Jerry yng Nghoed Scolton ac i ryfeddu ar y strwythurau prydferth y mae hyfforddeion Tir Coed wedi’i adeiladu yno. Cyflwynodd Tir Coed raglen LEAF pilot yn Scolton ac maent wedi parhau i gyflwyno sesiynau gweithgaredd a chyrsiau hyfforddi yno ers i’r prosiect llawn ddechrau yno yn Nhachwedd 2017. Mae ymrwymiad a chefnogaeth Jerry i brosiect Tir Coed wedi bod yn gyfrannog o lwyddiant y prosiect LEAF hyd yn hyn. Mae iechyd meddwl, lles a hyfforddiant sgiliau coetir yn faterion sy’n agos iawn at galon Jerry ac y mae ef a’i wraig Charlotte wedi rhoi croeso calonnog i fuddiolwyr Tir Coed i’w coedwig hardd.
Yn dilyn tamaid o ginio, fe aeth y tîm ymlaen i ymweld The Woodland Farm ble mae cwrs hyfforddi 12 wythnos nesaf Tir Coed yn cael ei gynnal cyn symud ymlaen i Mill Wood yn Hwlffordd. Perchnogaeth y cyngor tref yw coedwig Mill Wood gyda mynediad cyhoeddus drwyddo. Mae nifer fawr o’r bobl leol yn mwynhau heddwch a llonyddwch y goedwig ar gyrion y dref. Yn dilyn trafodaethau gyda chynrychiolwyr y Cyngor Tref, mae’n edrych yn debygol y bydd Tir Coed yn cynnig gweithgareddau gwirfoddoli a hyfforddiant ar y safle i wella cyfleusterau’r goedwig a chefnogi’r arferion rheoli - cadwch lygad ar y datblygiadau!
Roedd yn wych gweld ehangder allgymorth y prosiect yn Sir Benfro ac i weld gwaith cadarnhaol y gwirfoddolwyr yn uniongyrchol. Da iawn i bawb yn Sir Benfro am y gwaith anhygoel sy’n cael ei wneud.
