Encil i Gwm Elan ar gyfer Grwpiau Birmingham
Written by Tir Coed / Dydd Mercher 04 Ebrill 2018
Mae un o’r prosiectau y mae Tir Coed yn arwain ar ran Elan Links yw dod â grwpiau o ardal Birmingham na fyddai’n ymweld fel arfer i gefn gwlad ac i Gwm Elan i ddysgu am ble y daw eu cyflenwad dŵr a’i ymgysylltu mewn gweithgareddau wedi’u teilwra.
Y grŵp cyntaf i ymweld ym mis Mawrth oedd 13 o blant ac oedolion o YMCA Sutton Coldfield. Roedd y plant yn hapus i adael yr ysgol ychydig yn gynt ar brynhawn Gwener i fynd ar dramp yn y bws mini. Er y traffig trwm allan o Firmingham fe gyrhaeddon nhw’n hwyliog, er ychydig yn anystwyth ar ôl eistedd cyhyd, i ddadbacio a mwynhau eu swper o datw stwmp a selsig.
Yn ystod y ddwy noswaith mewn llety wedi’i ariannu gan y prosiect, treuliwyd dydd Sadwrn yng nghoed Penbont gyda thiwtoriaid Tir Coed, ble ddysgodd y plant am dân ac fe geision nhw greu tân eu hunain. Dilynwyd hyn gan gerfio pren irlas i greu sbatwla. Defnyddiol iawn y noson honno i droi’r saws Bolognese.
Roedd y bore wedyn yn ddisglair ac yn heulog ar gyfer taith dywys gyda cheidwadwr Cwm Elan drwy argae Penygarreg. Dysgodd y grŵp am adeiladu’r argae a sut fyddai bywyd wedi bod fel gweithiwr pan adeiladwyd yr argae yn y 1890au.
Cwblhawyd y daith gydag ymweliad i arddangosfa’r Ganolfan Ymwelwyr, y siop a’r maes chwarae. Roedd pawb eisiau aros yno am hirach ac roeddent yn drist i orfod gadael, yn gadael gydag atgofion o’r bywyd gwyllt, y goedwig a’r dŵr.
