Cwrs Gwaith Coed yr Haf 2022 yn Yr Ardd, Llandysul
Written by Tir Coed / Dydd Sadwrn 01 Hydref 2022
Cyrhaeddodd grŵp brwdfrydig o gyfranogwyr cwrs haf ar safle gwag yn Yr Ardd, Llandysul, yn barod i droi rhai boncyffion, a oedd yn grystyn â rhisgl, yn gysgodfan cymunedol er budd garddwyr lleol a’r gymuned ehangach.
Nod Yr Ardd yw creu ardal gymunedol ddiogel a chroesawgar, lle all garddwyr cymunedol ddod at ei gilydd i dyfu ystod o blanhigion a chymdeithasu yn yr awyr agored ym Mhont-Tyweli, Llandysul.
Dynododd dyfodiad ein hyfforddeion ddechrau cwrs gwaith coed yr haf i’n tîm yng Ngheredigion, lle y mae cyfranogwyr yn dysgu gwaith coed coetir a sgiliau awyr agored eraill, gan gynnwys arferion gweithio diogel a defnydd diogel o offer, am 2 ddiwrnod bob wythnos dros gyfnod o 12 wythnos.
Cam cyntaf y dasg o adeiladu cysgodfan oedd symud y boncyffion i’r safle gyda llaw trwy danffordd gul. Ar ôl gwaith tîm, codi a chario gofalus a llawer o chwythu bygythion, symudwyd y boncyffion gan ddwylo brwdfrydig i’r rhandir.
Unwaith yr oeddent ar y safle, dirisglwyd y boncyffion gan yr hyfforddeion gan ddefnyddio rhasglau miniog. Yna, ar ôl hogi’r llifiau a’r cynion, cafodd y mesuriadau manwl cywir eu cymryd a’r uniadau tynnon eu torri a’u ffurfio.
Cafodd sgiliau gwaith coed eu harddangos, eu dysgu a’u hymarfer hyd nes y cwblhawyd y pyst pren, a oedd wedi’u torri i’r maint iawn, eu cerfio a’u saernïo’n ofalus (fel y gellir eu cysylltu ag uniadau wedi’u drilio a rhai naddedig), gan ein hegin seiri coedwig.
Yr her fwyaf oedd y gwres canol haf eithafol. Er oedd y tarpolinau’n darparu rhywfaint o gysgod rhag yr haul didrugaredd ac yn cynnig lle i weithio ac adennill nerth, ni welsom y fath effeithiau eithafol ar ein prennau, ac roedd amseriad y tywydd poeth bron â bod yn drychinebus.
Roedd gwres a ffyrnigrwydd yr haul wedi cracio a hollti rhai o’r prif drawstiau a’u gwneud yn ofer…a beth oedd datrysiad y tîm? Ailwneud y prif drawstiau unwaith eto gyda brwdfrydedd pur.
Er nad oedd y gwaith adeiladu wedi’i gwblhau’n gyfan gwbl, roedd holl rannau’r adeilad wedi’u cwblhau ac roedd y ffrâm wedi’i chodi, ond daeth y cwrs 12 wythnos i ben.
Ond, byddwn yn ôl cyn bo hir: byddwn yn cydweithredu â thîm Sir Gaerfyrddin Tir Coed ar gyfer Wythnos Ddilyniant Crefftau Treftadaeth yn Yr Ardd, lle byddwn yn hogi sgiliau saernïo’r hyfforddeion ymhellach – yn ogystal â chwblhau’r gwaith adeiladu.
