Cwrs 5 diwrfnod llif gadwyn
Written by Tir Coed / Dydd Mercher 28 Tachwedd 2018
Yn ddiweddar, mae pedwar hyfforddai wedi cwblhau tystysgrif cymhwysedd NPTC City and Guilds mewn Cynnal a Chadw llif gadwyn, trawsbynciol a chwympo coed bach hyd at 380mm.
Cafodd y cwrs ei ariannu’n rhannol o dan gynllun grant Forestry Focused Future sydd wedi’i anelu at ddatblygu’r sector Goedwigaeth Gymreig, gan ariannu 75% o’r gost sy’n gwneud yr hyn sydd yn hyfforddiant drud iawn yn haws i gael gafael arno. Darparwyd yr hyfforddiant gan Andy Bakewell yng Nghoed Tyllwyd, Llanfarian a safle arall yn Llangybi, ger Llanbedr Pont Steffan ble cynhaliwyd yr elfennau o gwympo a thrawsbynciol o’r cwrs, yn gweithio mewn toriadau o byrwydd Norwy a llarwydd.
Galluogwyd y grŵp i symud ymlaen yn gyflym drwy’r daith diolch i brofiad helaeth a chyfarwyddyd clir Andy ac erbyn y diwedd, roeddent yn barod ar gyfer yr asesiadau'r wythnos ganlynol, ac fe basiodd y pedwar yn uchel iawn!
Mae gweld yr hyfforddai yn cwblhau’r hyfforddiant wedi rhoi boddhad mawr i mi gan wybod y bydd yn agor nifer o ddrysau iddynt i mewn i’r sector goedwigaeth a chyflogaeth hirdymor. Mae eu gweld yn cerdded a’u pennau’n uchel yn werth chweil ac yn dangos beth sy’n bosib cyflawni.
Dyma’r cyntaf o nifer o gyrsiau hyfforddi sydd wedi’u trefnu ar gyfer y ddwy flynedd nesaf drwy raglen ariannu Forestry Focused Future ac rydym yn edrych ymlaen at alluogi mwy o’n hyfforddai i gael mynediad i hyfforddiant cydnabyddedig ac i wella hydwythedd y sector Goedwigaeth Gymreig wrth fynd ymlaen. Hoffwn ddiolch yn fawr iawn i Hyfforddiant Andy Bakewell a Focus on Forestry First am eu cefnogaeth barhaus a’i mewnbwn proffesiynol.
