Dysgu am Goed - Blwyddyn gron

Written by Tir Coed / Dydd Gwener 09 Tachwedd 2018

Mae Dysgu am Goed wedi bod yn rhedeg ers blwyddyn gyfan nawr ac yn ystod y flwyddyn mae’r prosiect wedi bod yn llwyddiannus iawn.

Yn gyfan gwbl, mae 13 o ysgolion cynradd Ceredigion wedi ymgysylltu â’r prosiect yn galluogi 359 o blant a 41 oedolyn i fuddio o’r prosiect.

Mae’r sesiynau wedi amrywio yn dibynnu ar oed y grŵp a’r Swyddog Addysg sy’n cymryd y sesiwn. Mae’r plant hynna, cyfnod allweddol dau, wedi mwynhau dysgu am enwau’r coed gwahanol a chyfrifo oed y coed gan fesur cengl y goeden. Mae’r plant ifanca’ y cyfnod sylfaen wedi mwynhau helfeydd natur, adnabod dail a rhwbio rhisgl.


Yn ogystal â chynnig gweithgareddau hwyliog, addysgiadol mewn coedwigoedd lleol, mae Dysgu am Goed wedi bod yn codi ymwybyddiaeth o waith a gyrfaoedd posib sydd ar gael yn y sector goedwigaeth a pha mor bwysig yw’r sector goedwigaeth i’w dyfodol.


Bydd Dysgu am Goed yn rhedeg nes ddiwedd y flwyddyn academaidd hon (2018/2019) felly os ydych yn gweithio yn un o ysgolion cynradd Ceredigion, neu os oes gennych blant yn un o’r ysgolion, cysylltwch â Lowri: [email protected] i archebu sesiwn.


Ffurflen Ymholiad

Bydd y ffurflen ar-lein hon yn eich galluogi i fynegi diddordeb gyda Tir Coed fel y gallwn eich cysylltu ag un o'n cyrsiau hyfforddi awyr agored neu weithgareddau lles. Byddwn yn defnyddio'r wybodaeth a ddarperir i gysylltu â chi i drafod y cyrsiau hyfforddi a/neu'r gweithgareddau lles sydd ar gael i chi a chwblhau'r broses gofrestru.

Diogelu Data a Chaniatâd

Bydd yr wybodaeth a gesglir ar y ffurflen hon yn cael ei chadw'n ddiogel ar system storio ar-lein Tir Coed yn unol â Chanllawiau Diogelu Data a'n Polisi Preifatrwydd.

Sylwch ein bod weithiau'n profi galw mawr am ein cyrsiau hyfforddi, felly yn anffodus, ni allwn sicrhau lle ar unwaith i chi ar gwrs hyfforddi.

Mae Tir Coed yn elusen gofrestredig (#1115229) a Chwmni Cyfyngedig (#03918116).
Tir Coed, Uned 6G Parc Gwyddoniaeth, Llanbadarn Fawr, Aberystwyth, SY23 3AH.

Beth yw:

TANYSGRIFIO I'R CYLCHLYTHYR

Y newyddion diweddaraf o Tir Coed