Helo! oddi wrth Leila
Written by Tir Coed / Dydd Mercher 19 Ebrill 2017
Helo! Mae wedi bod yn gyfnod prysur ers i mi ddechrau fel Cyfarwyddwr Tir Coed ar y 1af o Fawrth i gymryd yr awenau tro bod Ffion i ffwrdd ar gyfnod mamolaeth. Mae Tir coed hefyd wedi ffarwelio â Jack oedd ar leoliad Twf Swyddi Cymru, yn ogystal â chroesawu Idris bach yn y cyfnod hwn... mwy i ddilyn ym mlogiau'r dyfodol.
Fe adawodd Ffion yn gynt na'r disgwyl felly rwyf wedi bod yn gweithio'n galed i ddal i fyny. Ers i mi ddechrau rwyf wedi ymweld â'r cyrsiau hyfforddi yng Nghoed Tyllwyd ac yng Nghwm Elan, yn ogystal â mynychu diwrnod Iechyd Gwyrdd yn Aberystwyth. Yn ogystal â hyn rwyf wedi ymweld â dau safle newydd sy'n cael eu datblygu yn Sir Benfro ac wedi cyfarfod ag amrywiaeth o bobl rydym yn gobeithio gweithio gyda hwy yn y dyfodol. Wrth gwrs mae yna nifer fawr o bobl i mi ddod i'w adnabod eto ac rwy'n edrych ymlaen yn fawr at weld wynebau newydd dros yr wythnosau nesaf.
Ychydig amdana i:
Cwblheais radd mewn Bioleg Amgylcheddol o Brifysgol Aberystwyth yn 2001 ac yna ymlaen i astudio Gradd Meistr mewn Addysg Amgylcheddol. Ar ôl roeddwn yn gweithio fel trefnydd digwyddiadau cyn dechrau gweithio mewn egni adnewyddadwy. Mae'r prosiectau diweddaraf yr wyf wedi bod yn gweithio arnynt wedi bod mewn ynni adnewyddadwy cymunedol tra'r gweithio yn Sharenergy. Rwyf wedi byw yng nghanolbarth Cymru ers tua 20 mlynedd erbyn hyn, gan ddysgu ychydig o Gymraeg ar hyd y daith a magu dau fab hyfryd.
Leila Sharland
