Mae Simon yn edrych ymlaen yn eiddgar i fynd i’r coed
Written by Tir Coed / Dydd Llun 25 Ionawr 2021
Simon ydw i, Cydlynydd newydd Tir Coed yng Ngheredigion!
Rwy'n gyffrous iawn i ddechrau fy swydd a chydlynu'r holl ddigwyddiadau gwych y mae Tir Coed yn eu cynnig.
Ar ôl gweithio yn y celfyddydau am y degawd diwethaf, rwy'n edrych ymlaen at ddechrau newydd yn cysylltu'r gymuned â choetiroedd.
Rwy'n berchen ar ychydig erwau o goetir ger Aberystwyth ac wedi mynd ati fy hun i ddysgu sut i reoli coetir. Rwyf wedi cymryd at waith coed gwyrdd, strwythurau pren a gerddi coedwig.
Pan nad ydw i'n gweithio yn y swyddfa (neu gartref ar hyn o bryd!) neu yn y coed, rwy'n gweithio fel plastrwr treftadaeth ac ecogyfeillgar, gan weithio gyda phlaster naturiol fel calch a chlai.
Yn fy amser hamdden rwy'n mwynhau creu cerddoriaeth (rwy’n rhan o ddeuawd electronig, Unplyg) a cherdded ar hyd y bryniau yn chwilio am safleoedd hanesyddol.
Mae gan y coetir allu unigryw i lonyddu rhywun ac mae hynny yn ei dro yn golygu ei fod yn lle gwych i weld pethau mewn persbectif, prosesu meddyliau a thanio'r dychymyg - profiad rwy'n gobeithio y bydd cyfranogwyr sy'n mynychu ein digwyddiadau a'n cyrsiau hefyd yn ei gael tra byddan nhw ar safleoedd Tir Coed.
Hoff goeden? Y Dderwen fawreddog!
Hoff bren i weithio ag ef? Rwyf wrth fy modd yn gweithio gyda choed ffrwythau. Mae gan bren ceirios raen hardd ar gyfer llwyau a darnau addurnol. Coed cyll gan eu bod yn addas i wneud llawer o bethau a choed castan ar gyfer adeiladu.
Hoff goetir? Mae coedwigoedd Tŷ Canol ym mynyddoedd Preseli gyda’r gorau yn fy marn i!
Hoff Dymor? Hydref. Y ffrwydrad o liwiau, y dail yn disgyn, y nosweithiau'n tynnu i mewn a'r golau hyfryd ar fore hydref ffres.
