Dirwnod Datblygu Tîm Tir Coed
Written by Tir Coed / Dydd Mawrth 25 Mehefin 2024
Yn ddiweddar, fe wnaethom gynnal Dirwnod Datblygu Tîm yn un o'n safleoedd coetir bendigedig yn Sir Gaerfyrddin, gan ddod ag aelodau o'r tîm sy'n rhychwantu pedair sir Sir Gaerfyrddin, Ceredigion, Sir Benfro a Phowys ynghyd. Roedd y Diwrnod yn cynnwys taith o amgylch y safle, gan arddangos yr uchafbwyntiau naturiol a phrosiectau Tir Coed y gorffennol, gweithgaredd gwneud modrwyau pren dan arweiniad Oriel y VC, a chyfle i rannu profiadau, sgiliau ac arbenigedd. Darllenwch beth oedd gan Oriel VC i'w ddweud am y dirwnod yma...
Ar Ddydd Mercher 19eg o Fehefin cawsom y fraint o gael ein gwahodd i gynnal cwpl o sesiynau modrwyon Bentwood yn Niwrnod Datblygu Tîm Tir Coed ar gyfer holl aelodau staff ar draws y sefydliad ym Mharc Coetir Mynydd Mawr yn Sir Gaerfyrddin.
Roedd yn wych rhoi yn ôl i Tir Coed sydd wedi cefnogi ein cyfranogwyr yng Nhoedwig Scolton, Hwlffordd, ar gwrs Rheoli Coetiroedd yn Gynaliadwy 12 wythnos yn ddiweddar.
Mae eu gwybodaeth a'u hangerdd dros gyflwyno cyrsiau o'r fath heb eu hail ac mae eu hegni a'u brwdfrydedd yn anhygoel.
Roedd yn hyfryd dal i fyny gyda wynebau cyfarwydd a rhai newydd a threulio peth amser o safon yn y goedwig, yn gwneud modrwyau Bentwood.
Cymerodd pawb ran yn yr amgylchedd hamddenol, gan gwblhau eu gwaith o argaen pren i ddarnau pwrpasol o emwaith unigol.
Roedd yn bleser cydweithio â Tir Coed a chael gwahoddiad i ddathlu digwyddiad llwyddiannus arall.
Byddwn yn sicr yn parhau i gydweithio yn y dyfodol agos iawn...
Diolch yn arbennig i gynorthwywyr VC ar y digwyddiad Donna Evans a Phil Hyde am helpu i hwyluso'r gwithdy ac ychwanegu sblash o hiwmor ar unrhyw adeg benodol.
Diolch yn fawr iawn i Charlie, Donna a Phil am eu cyflwyniad arbenigol o weithgaredd crefft coetir mor bleurus, ac am greu awyrchylch mor hamddenol ar ein Diwrnod Datblygu Tîm!
