Ni all Vik aros i ddechrau garddio
Written by Tir Coed / Dydd Mawrth 25 Ionawr 2022
Dywedwch rywbeth bach am eich hun...
Siwmae! Vik ydw i. Rydw i newydd gael fy rhyddhau ymysg y bywyd gwyllt ar ôl amser hir yn gweithio ym maes iechyd cyhoeddus a gwneud gwaith cymunedol, rydw i hefyd yn fân arddwr ac yn fyfyriwr garddwriaeth. Rwy’n gyffrous i ailgysylltu pobl â’r tir a bwyd fel rhan o’r tîm AnTir.
Beth yw eich diddordebau?
Tyfu fy swper fy hun - nid wyf yn llwyddiannus bob tro, ond rydw i bob amser yn mwynhau - rwy’n hoffi bod yng nghwmni pobl da a bywyd gwyllt rhandiroedd Aberystwyth; treulio amser gyda cheffylau ac archwilio cefn gwlad Ceredigion.
Beth sy’n eich cyffroi chi fwyaf am eich rôl newydd?
Mae garddio yn dod yn naturiol i bob un ohonom, does dim rhaid i chi fod yn arbenigwr - dim ond mynediad at ychydig o dir a bach o help llaw sydd angen arnoch. Rwy’n gallu gwneud hynny i ddigwydd a gweld pobl yn tyfu.
Beth yw eich hoff beth am fod allan yn yr awyr agored?
Y llif. Mae gen i gysylltiad gydag ef ac rwy’n ymgolli’n llwyr ynddo.
Beth sy’n eich ysbrydoli chi?
Mae garddio yn brofiad gydol oes. Mae’n ddiddiwedd a does dim methiant yn perthyn iddo - dim ond profiadau.
Pa un yw eich hoff dymor a pham?
Galla i ddweud bob un ohonyn nhw? Rwy’n caru’r newid a’r rhythm parhaus (dyma pan fyddaf yn teimlo gorbryder hinsawdd fwyaf hefyd) ond efallai diwedd yr haf, ar ôl i’r haul cryf a chlefyd y gwair ddiflannu. Y cynhaeaf.
Pe baech yn goeden, pa goeden fyddech chi a pham?
Draenen wen efallai - rwy’n dyheu am y gwanwyn, rwy’n hapus yn fy nghwmni fy hun neu fel rhan o glawdd cymysg, ac rwy’n groesawgar i fywyd gwyllt.
