Cyrsiau Coetir Gaeaf
Written by Tir Coed / Dydd Mawrth 31 Ionawr 2023
Y gaeaf hwn rydym wedi bod yn brysur yn darparu cyrsiau coetir ar draws Sir Gaerfyrddin, Sir Benfro a Cheredigion gyda diolch i Grant Cymunedau Gwydn Cyfoeth Naturiol Cymru 2022-24 a ymunodd â’n rhestr o gyllidwyr yn ôl ym mis Tachwedd.
Gydag ystod lawn o hyfforddeion, mae ein Harweinwyr Gweithgaredd wedi bod yn gweithio’n galed i gyflwyno uned gyntaf ein cyrsiau achrededig sy’n cyfuno gweithgaredd ymarferol ochr yn ochr â theori a addysgir gan gwblhau llyfr gwaith digidol.
Yr wythnos hon fe wnaethom ni roi sylw i Geredigion a darganfod beth sydd wedi bod yn cadw eu hyfforddeion yn brysur.
Yn dilyn Wythnos Groeso a fynychwyd gan nifer, cychwynnodd tîm Ceredigion eu cwrs 12 wythnos ar Reoli Coetir yn Gynaliadwy dros y Gaeaf ddiwedd mis Tachwedd ar ein safle coetir Tŷ Llwyd ger Llanfarian.
Dros y 6 wythnos diwethaf, mae ein dysgwyr coetir dewr wedi bod yn:
- clirio isdyfiant a mieri ar hyd y llwybrau ac ar y tir uwchben y gweithdai i wella mynediad cymunedol i’r coetiroedd.
- bondocio coed cyll uwchben yr adeiladau yna defnyddio’r canghennau wedi’u bondocio i greu ffensys clwydi cyll wedi’u gwehyddu ochr yn ochr â’r ardal dân ac o amgylch yr ardd a’r man tyfu.
- Amnewid y rheiliau a'r pyst hyd at yr adeiladau trwy brosesu pren o'r goedwig â llaw gan ddefnyddio offer llaw math treftadaeth.
- Amnewid grisiau treuliedig mewn sawl man ar y safle.
- Gosod ffensys diogelwch o amgylch yr ardal waith awyr agored.
- Ail-osod yr hysbysfwrdd ger y maes parcio, gan ei wneud yn ddiogel a sefydlog.
Mae cam nesaf y cwrs yn cynnwys symud safleoedd i goed Llanina ger Cei Newydd lle mae'r coed yn fwy addas i ddatblygu'r sgiliau sy'n gysylltiedig â thorri coed.
I gael gwybod pa gyrsiau sydd ar y gweill yng Ngheredigion neu unrhyw un o'r siroedd eraill, edrychwch ar ein calendr digwyddiadau.
