Cynhesrwydd yng Nghoed y Gaeaf - Lansio Cwrs 12 Wythnos Rheoli Coetir Cynaliadwy.
Written by Tir Coed / Dydd Mawrth 28 Ionawr 2020
Mae’r 10 hyfforddai wedi cychwyn y cwrs yn awyddus i ddysgu mwy ac ymarfer sgiliau fydd yn ei helpu i greu prosiectau ei hun, wrth wella fframwaith y coetir a'r strwythurau pren sy'n ffurfio'r ystafell ddosbarth awyr agored hon.
Trwy gyfres o gemau a gweithgareddau byddant yn dysgu sut i adnabod coed a phlanhigion, dewis pa rywogaethau i'w torri brysglwyni a pha rai i'w ffafrio ar gyfer canopi'r coetir yn y dyfodol. Hefyd fydd y grŵp yn gwella llwybrau mynediad ac agor y coetir i fwy o bobl fwynhau a chael mwy o ymdeimlad o les.
Wrth iddynt weithio trwy raglen hyfforddi strwythuredig 12 wythnos bydd tudalennau eu llyfrau gwaith yn dod yn fyw gyda lluniadau, ffotograffau a syniadau sy'n eu galluogi i ennill cymhwyster wedi'i achredu gan Agored Cymru.
Wnaeth un graddedig o gwrs flwyddyn ddiwethaf dweud:
Rydw i yn aml yn sbïo ar y waithlyfr, i fy atgoffa o beth wnaethom ni a’r ffrindiau wnes i greu. Mae’n gwthio fi ymlaen.
Mae bellach yn cymryd rhan mewn mwy o hyfforddiant coetir ac mae ganddo swydd ran amser yn gweithio gyda grwpiau yn yr awyr agored.
Gan weithio ochr yn ochr â mentor Tir Coed llwyddodd i nodi cyfleoedd ar gyfer hyfforddiant a chyllid pellach i helpu i dalu am y costau hynny. Mae'r sgiliau a'r hyder y mae wedi'u hadeiladu iddo'i hun ar ein cyrsiau wedi ei helpu i ddod o hyd i waith y mae'n ei fwynhau.
